പ്രിയ മക്കളേ, മോശം ഇടയന്മാർ നിമിത്തം ബാബേൽ എല്ലായിടത്തും വളരും, സഭയുടെ യഥാർത്ഥ മജിസ്റ്റീരിയത്തോട് വിശ്വസ്തത പുലർത്താത്തവർ ആത്മീയ അന്ധകാരത്തിൽ നടക്കും. നിങ്ങൾക്ക് വരാൻ പോകുന്ന കാര്യങ്ങളാൽ ഞാൻ സഹിക്കുകയാണ്. എന്റെ പുത്രനായ യേശുവിനോട് വിശ്വസ്തരായിരിക്കാൻ ഞാൻ നിങ്ങളോട് ആവശ്യപ്പെടുന്നു. അവനാണ് നിങ്ങളുടെ യഥാർത്ഥ രക്ഷകൻ. ഞാൻ നിങ്ങൾക്ക് ചൂണ്ടിക്കാണിച്ചു തന്ന വഴിയിൽ നിന്ന് നിങ്ങൾ മാറരുത്. ദൈവം തിടുക്കത്തിലാണ്. നിങ്ങൾ ചെയ്യേണ്ടവ, നിങ്ങൾ നാളത്തേക്കായി മാറ്റിവെക്കരുത്. നിങ്ങൾ തിരികെ വരിക. എന്റെ കർത്താവ് നിങ്ങളെ സ്നേഹിക്കുകയും നിങ്ങൾക്കായി കാത്തിരിക്കുകയും ചെയ്യുന്നു. നിങ്ങൾ മറക്കരുത്: നിങ്ങളുടെ കരങ്ങളിൽ, പരിശുദ്ധ ജപമാലയും വിശുദ്ധ ഗ്രന്ഥവും; ഹൃദയത്തിൽ, സത്യത്തോടുള്ള സ്നേഹവും. പരിശുദ്ധ ത്രിത്വത്തിന്റെ നാമത്തിൽ ഞാൻ ഇന്ന് നിങ്ങൾക്ക് കൈമാറുന്ന സന്ദേശം ഇതാണ്. ഒരിക്കൽ കൂടി നിങ്ങളെ ഇവിടെ ഒന്നിപ്പിക്കാൻ എന്നെ അനുവദിച്ചതിന് നന്ദി. പിതാവിന്റെയും പുത്രന്റെയും പരിശുദ്ധാത്മാവിന്റെയും നാമത്തിൽ ഞാൻ നിങ്ങളെ ആശീർവദിക്കുന്നു. ആമേൻ. നിങ്ങൾ സമാധാനത്തോടെ ഇരിക്കുവിൻ.
