പ്രിയപ്പെട്ട മക്കളേ, നിങ്ങളുടെ വിശ്വാസത്തിന്റെ ജ്വാല ജ്വലിപ്പിക്കാൻ ഞാൻ നിങ്ങളോട് ആവശ്യപ്പെടുന്നു. ഒരു മനുഷ്യശക്തിയും ദൈവത്തിന്റെ പദ്ധതികളെ നശിപ്പിക്കില്ലെന്ന് നിങ്ങൾ എപ്പോഴും ഓർക്കുക. കർത്താവിന്റെ കൂടെയുള്ളവൻ ഒരിക്കലും പരാജയപ്പെടുകയില്ല. നിങ്ങളുടെ ആവശ്യങ്ങൾ എനിക്കറിയാം, നിങ്ങൾക്കായി ഞാൻ എന്റെ യേശുവിനോട് പ്രാർത്ഥിക്കാം. ധൈര്യമായിരിക്കുക! നിങ്ങൾ പരീക്ഷിക്കപ്പെടുമ്പോൾ, യേശുവിനെ വിളിക്കുക, അവൻ നിങ്ങൾക്ക് ശക്തി നൽകും. എന്റെ കർത്താവിന് നിങ്ങളെ ആവശ്യമുണ്ട്. നിങ്ങൾ പിൻവാങ്ങരുത്. മനുഷ്യകുലം ഒരു വലിയ ആത്മീയ അഗാധത്തിലേക്ക് നടന്നടുക്കുകയാണ്. നിങ്ങളുടെ കരങ്ങൾ എനിക്ക് തരിക, ഞാൻ നിങ്ങളെ സുരക്ഷിതമായ പാതയിലൂടെ നയിക്കാം. സത്യവിശ്വാസികളായ സ്ത്രീപുരുഷന്മാർക്ക് സംഭവിക്കാനിരിക്കുന്നവയാൽ ഞാൻ സഹിക്കുകയാണ്. വലിയ പീഡനം എന്റെ ഭക്തരെ ബാധിക്കും, പക്ഷേ ഞാൻ എന്റെ മക്കളെ ഉപേക്ഷിക്കുകയില്ല. നിങ്ങൾ സൗമ്യതയും താഴ്മയും ഉള്ളവരായിരിക്കുക, അങ്ങനെമാത്രമേ നിങ്ങളുടെ ജീവിതത്തെ കുറിച്ചുള്ള കർത്താവിന്റെ രൂപകൽപ്പനകൾ നിങ്ങൾക്ക് മനസ്സിലാക്കാൻ കഴിയുകയുള്ളൂ. ഈ നിമിഷത്തിൽ, ഞാൻ നിങ്ങളുടെമേൽ കൃപകളുടെ അസാധാരണമായ ഒരു മഴ പെയ്യിക്കുന്നു. ഭയപ്പെടാതെ മുന്നോട്ട് നീങ്ങുക! പരിശുദ്ധ ത്രിത്വത്തിന്റെ നാമത്തിൽ ഞാൻ ഇന്ന് നിങ്ങൾക്ക് കൈമാറുന്ന സന്ദേശം ഇതാണ്. ഒരിക്കൽ കൂടി നിങ്ങളെ ഇവിടെ ഒന്നിപ്പിക്കാൻ എന്നെ അനുവദിച്ചതിന് നന്ദി. പിതാവിന്റെയും പുത്രന്റെയും പരിശുദ്ധാത്മാവിന്റെയും നാമത്തിൽ ഞാൻ നിങ്ങളെ ആശീർവദിക്കുന്നു. ആമേൻ. നിങ്ങൾ സമാധാനത്തോടെ ഇരിക്കുവിൻ.
